مائنڈ فُلنیس کا اثر درد کش دوا جیسا ہوسکتا ہے…

تیزی سے مشہور ہوتی ہوئی فکری ارتکاز اور مراقبے کی تکنیک مائنڈ فلنیس کے متعلق انکشاف ہوا ہے کہ اس سے درد کم کرنے میں غیرمعمولی مدد ملتی ہے اور یہاں تک کہ اسے درد کش ادویہ کا متبادل قرار دیا جاسکتا ہے۔
جامعہ وسکانسن میڈیسن کے مرکز برائے دماغی صحت نے اس ضمن میں تحقیق کرکے امریکن جرنل آف سائیکائٹری میں ایک مقالہ شائع کروایا ہے۔
ماہرین نے رضاکاروں کے دو گروہوں کو مطالعے میں شامل کیا جس کے تحت مائنڈ فلنیس کی بنا پر ذہنی تناؤ میں کمی کرنا تھا۔ ایک گروہ کو مائنڈ فلنیس سے گزارا گیا اور دوسرے گروہ میں ایسا نہیں کیا گیا۔ آٹھ ہفتے بعد مائنڈ فلنیس والے افراد کے دماغی اسکین نے تصدیق کی کہ ان کے بدن کے تناؤ میں کمی واقع ہوئی جبکہ دوسرے گروہ میں ایسا کوئی مظہر نہیں دیکھا گیا۔