Spread the love
حکومتی اتحاد پاکستان ڈیموکریٹک موومنٹ پی ڈی ایم کے صدر اور جمیعت علما اسلام کے سربراہ مولانا فضل الرحمان نے کہا ہے کہ تقسیم اختیارات کے آئینی فارمولہ پہ عمل درآمد یقینی بنا کر قومی اداروں کی ساکھ کی بحالی یقینی بنائیں گے۔ملک میں وزیراعظم ہاؤس اور عمران خان کی آڈیوز سامنے آنے کے بعد مولانا فضل الرحمان نے ردعمل دیتے ہوئے کہا کہ جلد ہی پی ڈی ایم کا اجلاس بلا کر پالیسی امور کو اپ ڈیٹ کریں گے.ہم قوم کو داخلی تقسیم کے آشوب سے نکال کر ملی وحدت کی طرف لے جانے کی کوشش کر رہے ہیں تاکہ سیاسی و معاشی بحرانوں پر قابو پایا جا سکے۔