بینظیر بھٹو نے بلاول کو کیا نصیحت کی تھی؟ پرانی ویڈیو وائرل…

پاکستان کی سابق وزیر اعظم محترمہ بینظیر بھٹو کی ان دنوں ایک پرانی ویڈیو وائرل ہو رہی ہے جس میں وہ بیٹے بلاول بھٹو زرداری کو کردار سے متعلق نصیحت دے رہی ہیں۔
ویڈیو میں دیکھا جاسکتا ہے کہ بینظیر بلاول سے مخاطب ہوتے ہوئے کہہ رہی ہیں کہ یہ یاد رکھو! جو لوگ دکھاوا کرتے ہیں اُن میں اعتماد کی کمی ہوتی ہے’۔محترمہ بینظیر نے اپنے بیٹے سے یہ بھی کہا کہ جن کا کردار مضبوط ہوتا ہے اُنہیں کبھی دکھاوے یا کسی سے چیزیں لینے کی ضرورت محسوس نہیں ہوتی۔سوشل میڈیا پر زیرِ گردش ویڈیو پر صارفین اپنی رائے کا کُھل کر اظہار کر رہے ہیں اور سابق وزیر اعظم کی اس نصیحت کو آج کی پیڑھی کے لیے مثال قرار دے رہے ہیں۔